Жылдық жан басына шаққандағы қаржыландыру нормативі 9 ай ішінде (қаңтардан мамырды қоса алғанда және қыркүйектен желтоқсанды қоса алғанда) төленеді, бірақ тиісті Жеткізушіні тиісті оқу жылына орта білім беруге мемлекеттік білім беру тапсырысын орналастыру үшін жекеменшік білім беру ұйымдарының Тізбесіне енгізу күнінен кейінгі күннен ерте емес.

Ғимараттың амортизациясына арналған шығыстар нормасы (А2) жекеменшік орта білім беру ұйымының объектісінің нысаналы мақсатын өзгерту құқығына жиырма жыл мерзімге тыйым салу (шектеу) қойылғаннан кейін 8 жыл бойы білім беру ұйымдарына төленеді.

«Статистика» қойындысындағы «Дефицит» бөлімінде барлық облыстар, астана және республикалық маңызы бар қалалар бойынша оқушы орындарының тапшылығы туралы мәліметтер орналастырылған. Белгілі бір елді мекен бойынша егжей-тегжейлі ақпарат алу үшін жергілікті атқарушы органдарға (білім бөлімдеріне) жүгінген дұрыс.

Ғимараттың амортизациясы бойынша шығыстар нормасын алу үшін Потенциалды жеткізуші орта білім беру ұйымының объектісінде «орта білім беру ұйымының объектісі» және (немесе) «мектеп» нысаналы мақсаты бар жаңа оқушы орындарын құрылыс немесе реконструкция арқылы пайдалануға енгізуді қамтамасыз етуге және көрсетілген нысаналы мақсатын өзгерту құқығына кемінде жиырма жыл мерзімге шектеу (обременение) тіркеуге тиіс.

Қазақстан Республикасының құрылыс нормалары мен қағидаларына сәйкес ғимараттың пайдаланудың ең төменгі мерзімі 20 жылды құрайды.

Орта білім беру ұйымының объектісі бүкіл кезең ішінде кәсіпкердің жекеменшік меншігінде қалады және нысаналы мақсатын өзгерту құқығына қойылған шектеу мерзімі аяқталғаннан кейін мемлекет меншігіне өтпейді. Орта білімге мемлекеттік білім беру тапсырысын орналастыру объектіні кепіл ретінде қоюға және меншік иесін ауыстыруға кедергі болмайтынын атап өткен жөн.

Қазақстан Республикасының «Білім туралы» Заңына сәйкес, ата-аналар төлемінің мөлшері қазақстандық оқу бағдарламасы бойынша оқытатын мектептерде бір оқушыға жылына 1200 МРП-дан, ал халықаралық оқу бағдарламасы бар мектептерде бір оқушыға жылына 2400 МРП-дан аспауға тиіс.

Білім беру қызметімен айналысуға лицензияны білім беру саласындағы уәкілетті орган береді. Өтінім электрондық лицензиялау порталы – elicense.kz арқылы беріледі.